Órt sóndirýshiler órtenip jatqan úıden 17 adamdy aman alyp shyqty

KÓKShETAÝ. KAZINFORM – TJM órt sóndirýshileri órt kezinde 17 adamdy qutqardy. Bul týraly TJM baspasóz qyzmeti habarlady.

Aqmola oblysynyń Kókshetaý qalasynda eki qabatty kóppáterli turǵyn úıdiń elektr qalqanynda órt shyqqan. 

Oqıǵa ornyna kelgen TJM qyzmetkerleri órtti 6 sharshy metr aýmaqta jedel túrde sóndirdi.

Kireberistegi qatty tútindenýge baılanysty TJM qyzmetkerleri úsh býyndy satynyń kómegimen tereze oıyqtary arqyly 17 adamdy, onyń ishinde 5 balany qutqaryp qaldy.

Aıta ketelik qutqarýshylar úıge shyrsha ornatqan kezdegi qaýipsizdik sharalaryn túsindirip bergen edi.