Órt sóndirýshiler Qostanaı oblysyndaǵy dala órtimen kúresip jatyr
ASTANA. KAZINFORM - QR Tótenshe jaǵdaılar mınıstrligi Komandalyq ortalyǵynyń jedel shtaby ǵaryshtyq monıtorıng barysynda Jangeldın aýdanynyń Mılysaı aýyly men Qamysty aýdanynyń Bestaý aýyly arasyndaǵy ashyq aýmaqta qurǵaq shóptiń janýyn anyqtady.
TJM baspasóz qyzmetiniń habarlaýynsha, órtti sóndirýdi ekpini qatty jel qıyndatyp otyr. Degenmen órt sóndirý bólimsheleri men jergilikti atqarýshy organdardyń birlesken is-qımyly arqyly órt oshaǵynyń sheti jyrtylyp, jalynnyń taralýyna jol bermeý úshin tıisti sharalar qolǵa alyndy.
Dala órtine óńirdiń TJD kúshteri men quraldary, jergilikti atqarýshy organdar jáne orman sharýashylyǵynyń ókilderi jumyldyrylǵan. Jaǵdaıdy jedel baqylaý úshin ushqyshsyz ushý apparaty qoldanylýda.
- Órtengen jerdiń kólemi naqtylanyp jatyr. Órtpen kúres jumystary jalǵasýda. Jaǵdaı Qazaqstan Respýblıkasy Tótenshe jaǵdaılar mınıstrliginiń turaqty baqylaýynda,-delingen habarlamada.
Osyǵan deıin Aqtóbede qoqys polıgonynan órt shyqqany týraly jazdyq.