Órt sóndirýshiler 29 adamdy qutqaryp, 97 adamdy evakýatsııalady

Búgin Petropavlda órt sóndirýshiler J.Jabaev kóshesindegi 9 qabatty kóppáterli turǵyn úıdiń 5-qabatynda ornalasqan páterde bolǵan órtti sóndirdi. 

Órttiń aýdany 20 sharshy metr boldy.

SQO órt sóndirýshileri 97 adamdy baspaldaqpen evakýatsııalap, jedel jumys jasady.

Sonymen qatar, 29 adam, onyń ishinde 6 bala avtokólik satysymen qutqaryldy.

- Barlyq turǵyn tútindi ǵımarattan ýaqtyly shyǵarylǵannyń arqasynda zardap shekkender joq, - delingen TJM habarlamasynda.

Aıta ketelik qutqarýshylar Buqtyrmada aýdarylǵan qaıyqtan adamdardy evakýatsııalaǵan edi.