Órt sóndirý kóligi soqqan: Astanada jol apatynan bir adam mert boldy
ASTANA. KAZINFORM – Astanada órt sóndirý kóligi jeńil kólikpen soqtyǵysyp, bir adam qaza boldy. Bul týraly elordanyń Polıtsııa departamenti habarlady.
— Astana qalasynyń Polıtsııa departamenti jol apaty saldarynan adam qaza tapqan kólik quralyn basqarýshynyń jol erejesin buzý faktisi boıynsha qylmystyq is qozǵady. Órt sóndirý kóliginiń júrgizýshisi baǵdarshamnyń qyzyl shamy janyp turǵanyna qaramaı, Bógenbaı batyr men Jeńis dańǵyldarynyń qıylysynan ótip ketpek bolǵan. Osy kezde ol «Kia» markaly jeńil kólikpen soqtyǵysqan. Oqıǵa saldarynan japa shekken «Kia» júrgizýshisi men jolaýshysy aýrýhanaǵa jetkizildi. Keıin alǵan jaraqattarynan 52 jastaǵy jolaýshy áıel kóz jumdy, - delingen habarlamada.
Buǵan deıin Astanada avtobýs baǵanaǵa soǵylyp, jolaýshylar jaraqat alǵany jaıly jazǵan edik.
Keıin bul apat saldarynan qansha adam japa shekkeni belgili boldy.