Órt sóndirýshilerdiń shuǵyl áreketi er adamdardyń ómirin saqtap qala almady - QR TJM
ASTANA. 19 aqpan. QazAqparat - Keshe túnde Ońtústik Qazaqstan oblysynyń Shardara qalasynda «Márııa apa» qurylys dúkeni kúzetshisiniń bólek turǵan úıshiginde órt boldy, dep habarlady QR TJM-nan.
Jalyn 17 mınýttyń ishinde sóndirildi, biraq oqıǵa ornynda 32 jastaǵy er adamnyń múrdesi tabyldy. Tilsiz jaýmen kúreske QR TJM Ońtústik Qazaqstan oblystyq TJD órt sóndirý qyzmetiniń 7 adamy men 2 tehnıkasy jumyldyryldy.
Budan basqa, keshe keshqurym Shyǵys Qazaqstan oblysynyń Rıdder qalasynda 4 páterli bir qatatty turǵyn úıde órt boldy. Jalyn QR TJM Shyǵys Qazaqstan oblystyq TJD órt sóndirý qyzmetiniń (5 adamy men 1 tehnıkasy) kúshimen 13 mınýtta aýyzdyqtalǵanymen, órt ornynda 31 jastaǵy er adamnyń jansyz denesi tabyldy.
Sondaı-aq Soltústik Qazaqstan oblysynyń Kýzbass aýylynda dúısenbi kúni tańǵy saǵat 3-te turǵyn úı jalyndady. Órtke qarsy qyzmet shaqyrylmady. Tilsiz jaý 120 sharshy metr aýmaqty sharpydy. Oqıǵa ornynda 62 jastaǵy er adamnyń múrdesi tabyldy.
