«Órt sóndirýshiler jáne qutqarýshylar balalardyń kózimen» sýretter baıqaýynyń qorytyndysy shyǵaryldy
ASTANA. QazAqparat - Qutqarýshy kúni kásibı merekesi qarsańynda jáne Qazaqsan polıtsııasynyń 25 jyldyǵyna oraı 14 qazanda Qazaqstan Respýblıkasy ІІM TJ komıteti apparaty qyzmetkerleri balalarynyń arasynda «Órt sóndirýshiler jáne qutqarýshylar balalardyń kózimen» taqyrybyndaǵy baıqaýdyń qorytyndysy shyǵaryldy.
Balalardy dıplomdarmen jáne syılyqtarmen marapattaý boıynsha saltanatty is-shara Astana qalasy TJD Órt sóndirý jáne avarııalyq-qutqarý jumystary qyzmeti № 4 mamandandyrylǵan órt sóndirý bóliminiń aýmaǵynda ótti, dep habarlaıdy QR ІІM TJ komıtetiniń baspasóz qyzmeti.
TJK Kadr jumysy basqarmasynyń bastyǵy S. Bekmaǵambetov óz sózinde osyndaı balalar sýretteri baıqaýy TJK barlyq aýmaqtyq bólimshelerinde jyl saıyn ótkiziletinin atap ótti. Osyndaı is-sharalar órt sóndirýshi men qutqarýshy kásibiniń ımıdjin jáne mártebesin arttyrýǵa baǵyttalǵan.
Baıqaýǵa QR ІІM TJ komıteti apparaty qyzmetkerleriniń 20-ǵa jýyq balasy qatysty. Úzdik balalar sýretterin arnaıy qurylǵan baıqaý komıssııasy anyqtady.
5-6 jas sanatynda Tanzıla Ahrıeva І oryndy, Nuǵmanbek Nurbolat - ІІ, Qabjan Erbolat ІІІ oryndy ıelendi. 7 jas sanatynda Zakırov Ámır І oryndy, Dúısembekova Saıda - ІІ, Ádiljan Erasyl ІІІ oryndy enshiledi.
Al 9-12 jas sanatynda Maqajanov Erasyl - І, Dúısembekova Darına - ІІ oryndy, Túsipov Álibı ІІІ oryndy jeńip aldy.
Іs-shara sońynda baıqaý jeńimpazdaryna jáne barlyq qatysýshylarǵa dıplomdar, baǵaly jáne eskertkish syılyqtar tabys etildi.
