Órt sóndirý tehnıkasyn jańartýǵa jyl saıyn 6 mlrd teńge qajet
ASTANA. QazAqparat - Elimizdegi qoldanystaǵy órt sóndirý tehnıkalarynyń 40 paıyzǵa jýyǵy ótken ǵasyrda shyǵarylǵan. Bul týraly búgin QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat.
«Tótenshe jaǵdaılar komıtetiniń qaramaǵyndaǵy 2695 órt tehnıkasynyń 37 paıyzy nemese 1001 avtokólik ótken ǵasyrdyń 70-90 jyldarynda shyǵarylyp, áli kúnge deıin paıdalanylyp keledi. Kólikter normatıvtik merzimi ótip ketse de qoldanysta jáne olardy aıyrbastaý qajet. Jergilikti bıýdjet esebinen tótenshe jaǵdaımen kúresý úshin órtti sóndiretin 68 arnaıy tehnıka alyndy. Al 2017 jyly respýblıkalyq bıýdjetten tıisti qarajat bólingen joq»,- dedi ıÝrııa Ilın Májilistegi «Tótenshe jaǵdaılardyń aldyn alý jáne olardy joıý jónindegi memlekettik júıeniń jaı-kúıi men damý perspektıvalaryn týraly» dóńgelek ústel otyrysynda.
Vıtse-mınıstrdiń aıtýynsha, órt sóndirý tehnıkasy parkin jańartý úshin jyl saıyn keminde 6 mlrd teńgege jýyq qarajat bólip otyrý qajet.
«Bul qarajat Tótenshe jaǵdaılar komıteti bólimsheleriniń únemi daıyn turýy úshin shamamen 150 tehnıka satyp alýǵa jetedi», - dedi ol.
