Órt shyǵý qaýpi: BMW AQSh-ta 720 myńnan astam kóligin keri qaıtarady
ASTANA. KAZINFORM — Órt shyǵý qaýpine baılanysty BMW AQSh-ta 720 myńnan astam kóligin keri qaıtaryp alady, dep habarlaıdy BELTA.
Germanııanyń BMW AG kompanııasy kólikterdiń órtený qaýpine baılanysty AQSh-ta 720 796 avtokóligin keri qaıtaryp alý týraly sheshim qabyldady. Órt kólik turaqta turǵan jáne qozǵaltqyshy óshirilgen kezde de shyǵýy múmkin. Bul týraly The Independent basylymy habarlady.
AQSh-tyń Jol qozǵalysy qaýipsizdigi ulttyq basqarmasy keri qaıtarý naýqanyna ilingen kólik ıelerine jóndeý jumystary aıaqtalǵansha mashınalaryn ǵımarattar men basqa kólikterden alys, ashyq jerge qoıýǵa keńes berdi.
Bul kólikter sý sorǵysyna qatysty aqaýǵa baılanysty 2024 jyly da keri qaıtarylǵan. Endi olardy qaıta tekserý qajet. Sorǵydaǵy elektr qosqyshynyń durys germetıkalanbaýy saldarynan oǵan sý ótýi múmkin. Bul qysqa tuıyqtalýǵa ákelip, kóliktiń órtený qaýpin arttyrady.
Qazirgi ýaqytta avtokólik óndirýshisi osy aqaýmen baılanysty bolýy múmkin 10 órt oqıǵasyn anyqtaǵan. Olardyń barlyǵy 2024 jylǵy keri qaıtarý naýqany aıasynda servıstik qyzmet kórsetilgen kólikterde bolǵan.
Budan buryn BMW segiz myń qyzmetkerin qysqartatynyn habarlady.
