Órt saldarynan Volgograd oblysynda poıyz qozǵalystary keshiktirilýi múmkin
ASTANA. Qyrkúıektiń 3-i. QazAqparat - Temirjolshylar tabıǵı órt saldarynan Volgograd oblysyna qaraı júretin poıyzdardyń keste merziminen keshiktirilýi múmkin ekendigin eskertedi, dep jazady Vestı.Rý.
RTJ kompanııasy habarlaǵandaı, poıyz qozǵalystarynyń kestesine shuǵyl túzetýler engizý sharalary, órtke baılanysty temir jol qozǵalysy men jolaýshylar qaýipsizdigin qamtamasyz etý qajettiginen týyndap otyr.
Qazirgi ýaqytta temirjolǵa jaqyn mańaıda tutanǵan órt arnaıy sóndirý poıyzdary kúshimen aýyzdyqtalýda. Qalyptasqan osyndaı jaǵdaılarǵa baılanysty jolǵa shyǵatyn jolaýshylar men kútip alýshylar poıyzdardyń keletin jáne júretin ýaqyttaryn aldyn ala arnaıy anyqtamalardan surap-bilip alýlary usynyldy.
