Órt saldarynan eki er adam men jas áıel qaza tapty - QR TJM
ASTANA. 6 sáýir. QazAqparat - Órt saldarynan eki er adam men jas áıel qaza tapty, dep habarlaıdy QR TJM-niń baspasóz qyzmetinen.
Beısenbi, 5 sáýir kúni Almaty oblysynyń Kegen aýylyndaǵy Qorǵasbaı kóshesinde ornalasqan jekemenshik turǵyn úı órtendi. Jalyn tili 2 sharshy metrdi sharpyǵan. Oqıǵa ornynan 43 jastaǵy er adamnyń máıiti tabyldy. Órtti sóndirýge QR TJM Almaty oblysy boıynsha TJD-niń órt sóndirý qyzmeti jeke quramynyń 3 adamy men 1 tehnıkasy jumyldyrylǵan.
Beısenbi kúni Semeı qalasynyń Shuǵaev kóshesindegi úıdiń páteri órtene bastaǵan. Órt 3 sharshy metr aýmaqty sharpydy. 12 adam kóshirildi, sonyń ishinde 5 bala boldy. Oqıǵa ornynan 53 jastaǵy er adam men 29-daǵy áıeldiń máıitteri tabyldy. Tilsiz jaý QR TJM Shyǵys Qazaqstan oblysy boıynsha TJD-niń órt sóndirý qyzmeti jeke quramynyń 11 adamy jáne 2 tehnıkasynyń kómegimen sóndirildi.
