Órt saldarynan eki er adam qaza taýyp, taǵy úsheýi aýrýhanaǵa jetkizildi - QR TJM
ASTANA. 23 aqpan. QazAqparat - Órt saldarynan eki er adam qaza taýyp, taǵy úsheýi aýrýhanaǵa jetkizildi, dep habarlaıdy QR TJM-niń baspasóz qyzmetinen.
Juma, 22 aqpan kúni Astanada Tilendıev dańǵyly, 377 úıde ornalasqan «Nur Astana» JShS-niń aýmaǵyndaǵy 2 qabatty jataqhananyń bólmesi órtendi. Jalyn 20 sharshy metr aýmaqqa tarady. TJ ornynda esimi anyqtalmaǵan er adamnyń múrdesi tabyldy.
Órtpen kúreske QR TJM Astana qalalyq TJD-degi órt sóndirý qyzmetiniń 20 adamy men 6 tehnıka birligi jumyldyryldy.
Qostanaı oblysynyń Arqa aýylynda 22 aqpan kúni jekemenshik turǵyn úıde órt boldy. Jalyn 115 sharshy metr aýmaqty sharpydy. Tótenshe jaǵdaı ornynda 1964 jylǵy er adamnyń múrdesi tabyldy.
Órtti sóndirýge QR TJM-niń Qostanaı oblystyq TJD-degi órt sóndirý qyzmetiniń 4 adamy men 1 tehnıkasy qatysty.
Sol kúni Aqtaýdaǵy «Arselor Mıtall Aqtaý» JShS-niń qubyr zaýytynda qosalqy stansasynyń bir qabatty metall bólmesi órtendi. Jalyn tili 15 sharshy metr aýmaqqa tarady. Órt saldarynan úsh elektrık zardap shekti. Termııalyq kúıikter shalyp, ıis tıgen jumysshylar aýrýhanaǵa jetkizildi.
TJ-dy joıýǵa QR TJM «Órt sóndirýshi» AQ fılıalynyń 10 adamy men 2 tehnıkasy jumyldyryldy.
