Órt saldarynan eki er adam qaza boldy - QR TJM
ASTANA. 11 mamyr. QazAqparat - Órt saldarynan eki er adam qazaǵa ushyrady, dep habarlady QR TJM baspasóz qyzmeti.
Atyraý oblysyndaǵy Qulsary qalasynda juma kúni, 10 mamyrda Qultýmıev kóshesi, 45 mekenjaıyndaǵy 2 qabatty turǵyn úıdiń kireberisinde órt shyqty. Tilsiz jaý 26 sharshy metr aýmaqty sharpydy. 20 adam kóshirildi.
Tótenshe jaǵdaıdyń saldarynan 1955 jyly týǵan er adam aýrýhanada kóz jumdy, tútin ıisine ýlanǵan 2011 jáne 2003 jyldary týylǵan balalar aýrýhanaǵa jetkizildi.
Órtti aýyzdyqtaýǵa QR TJM Atyraý oblysy TJD órt sóndirý qyzmetiniń 8 adamdyq quramy men 3 birlik tehnıkasy jumyldyryldy.
Sol kúni Oralda Komsomol kóshesi, 48 mekenjaıyndaǵy 9 páterlik turǵyn úı órtendi. Órt aýmaǵy 30 sharshymetrdi qamtydy. Oqıǵa ornynan 1965 jylǵy er adamnyń máıiti tabyldy.
Órtti sóndirýge QR TJM Batys Qazaqstan oblysy boıynsha TJD órt sóndirý qyzmetiniń 13 adamy men 3 birlik tehnıkasy jumyldyryldy.
Qyzylorda qalasynda 5 qabatty kóppáterli turǵyn úıde ornalasqan «Qazposhta» AQ-nyń № 16 bólimshesinde órt shyqty. Jalyn 50 sharshy metr aýmaqty qamtydy. 14 adam kóshirildi. Qurban bolǵandar men zardap shekkender joq.
Órtti sóndirýge QR TJM Qyzylorda oblysy TJD órt sóndirý qyzmetiniń 10 adamy men 2 birlik tehnıkasy qatysty.
