Órt saldarynan eki áıel men bir er adam ajal qushty - QR TJM
ASTANA. 10 qańtar. QazAqparat - Órt saldarynan eki áıel men bir er adam qaza tapty, dep habarlaıdy QR TJM-niń baspasóz qyzmetinen.
Sársenbi, 9 qańtar kúni Almatydaǵy Saıran-1 shaǵynaýdanynda ornalasqan 4 qabatty turǵyn úıdiń páterinde órt boldy.
Jalyndy úıdiń turǵyndary sóndirdi. Órt aýmaǵy 0,5 sharshy metr aýmaqty qurady. TJ ornynda 37 jastaǵy er adam men áıeldiń jansyz deneleri tabyldy.
Ońtústik Qazaqstan oblysyndaǵy Qaplanbek eldi mekeninde Teatralnaıa kóshesinde ornalasqan jekemenshik turǵyn úı órtendi. Jalyn tili 9 sharshy metr aýmaqqa tarady. Oqıǵa ornynan Ózbekstannyń 49 jastaǵy azamatshasynyń múrdesi tabyldy.
TJ-dy joıýǵa QR TJM Ońtústik Qazaqstan oblystyq TJD órt sóndirý qyzmetiniń 5 adamy men 2 tehnıkasy jumyldyryldy.
