Órt saldarynan Atyraý men Zyrıanda 4 adam aýrýhanaǵa jetkizildi
ASTANA. 13 tamyz. QazAqparat - Atyraý qalasynda Raýkúsh kentinde keshe 23 saǵat 36 mınýtta jeke úıde órt shyqty. Bul týraly QR TJM baspasóz qyzmeti habarlady.
Jalyn 00 saǵat 14 mınýtte aýyzdyqtalyp, 00 saǵat 35 mınýtta óshirildi. Tótenshe oqıǵany joıýǵa QR TJM Atyraý oblystyq TJD órt sóndirý qyzmetiniń 12 adamnan quralǵan jeke quramy jáne 3 birlik tehnıksa jumyldyryldy.
Órt aýmaǵy 150 sharshymetrdi qurady. Órt saldarynan kúıik shalǵan 36 jastaǵy er adam, 37 jastaǵy áıel jáne 2 jasar bala aýrýhanaǵa jetkizildi.
Shyǵys Qazaqstan oblysynyń Zyrıan qalasynda 12 tamyzda 13 saǵat 42 mınýtta jeke turǵyn úı órtendi.
Órt 14 saǵat 10 mınýtta aýyzdyqtalyp, 15 saǵat 15 mınýtta sóndirildi. Ony joıýǵa QR TJM Shyǵys Qazaqstan oblystyq TJD órt sóndirý qyzmetiniń 11 adamy men 2 birlik tehnıka tartyldy.
Órt saldarynan kúıik shalǵan egde áıel aýrýhanaǵa jatqyzyldy.
