Órt saldarynan «ArselorMıttal Temirtaý» domna peshin toqtatty
QARAǴANDY. QazAqparat - Qaraǵandy oblysynyń Temirtaý qalasynda «ArselorMıttal Temırtaý» metallýrgııalyq kombınatynda qaınap turǵan shoıynnyń tógilýi saldarynan iri órt boldy, dep habarlaıdy «QazAqparat» HAA tilshisi.
Apat Indýstrıalızatsııa kúninde Elbasy Nursultan Nazarbaevtyń telekópir arqyly qatysýymen ashylǵan №4 jańartylǵan domna peshiniń jumysynda oryn alǵan.
«8 jeltoqsan kúni saǵat 22.01-de №4 domna peshinde balqytylǵan shoıyn tasymaldanatyn shómishtiń janýy saldarynan bolǵan. Qazirgi tańda tekserý jumystary júrgizilip, DP-4 ýaqytsha toqtap tur. Órt saldarynan kabel zaqymdanǵan», - dep baıandady oqıǵany kompanııanyń baspasóz qyzmeti.
Zardap shegýshiler joq. «Órt qyzmetkerler jumys júrgizbeıtin aýmaqta oryn aldy», - dep qosty «ArselorMıttal Temırtaý» baspasóz qyzmeti. Іri apat túsirilgen vıdeo áleýmettik jelilerge tarap ketti. Kýágerlerdiń aıtýynsha, shómishtiń janýy saldarynan aýlaǵa qaınap turǵan shoıyn tógilgen. Saldarynan kabel jandy. Otty birneshe órt sóndirý mashınalary óshirgen.
Eske sala keteıik, 7 jeltoqsanda Indýstralızatsııa kúni bolǵan telekópir barysynda Memleket basshysy «ArselorMıttal Temırtaý» AQ №4 jańartylǵan domna peshin iske qosqan edi.
