Órt saldarynan adam ómiri qıylyp, úsheýi aýrýhanaǵa tústi - QR TJM
ASTANA. 7 mamyr. QazAqparat - El aýmaǵynda órt saldarynan adam ómiri qıylyp, úsheýi aýrýhanaǵa tústi, dep habarlady QR TJM-nan.
Dúısenbi, 6 mamyr kúni Astanada Kúltegin kóshesi boıyndaǵy jataqhanada órt boldy, jalyn 10 sharshy metr aýmaqty jalmady. Tótenshe jaǵdaı saldarynan túrli kúıik jaraqattaryn alǵan áıel men er azamat, sondaı-aq ıis tıip ýlanǵan náreste aýrýhanaǵa jetkizildi. Tilsiz jaýdy aýyzdyqtaýǵa Astana qalalyq TJD órt sóndirý qyzmetiniń 16 qyzmetkeri men 3 tehnıkasy jumyldyryldy.
Sonymen qatar osy kúni Pavlodar oblysyndaǵy Aqtoǵaı aýylynda jeke turǵyn úıdiń aýlasynda KamAZ kóligi otqa orandy. Órt saldarynan belgisiz adamnyń máıiti tabyldy. Órtti sóndirýge atalǵan oblystaǵy TJD-nyń órt sóndirý qyzmetiniń jeke quramyndaǵy 5 qyzmetker men 1 arnaıy tehnıka tartyldy.
