Órt saldarynan 61 jastaǵy er adam qaza tapty, 4 bala zardap shekti - QR TJM
ASTANA. 27 maýsym. QazAqparat - Órt saldarynan 61 jastaǵy er adam qaza tapty, 4 bala zardap shekti, dep habarlady QR TJM-niń baspasóz qyzmetinen.
Seısenbi, 26 maýsym kúni Atyraý oblysynyń Qulsary qalasyndaǵy bes qabatty turǵyn úıdiń páterinde órt boldy. Jalyn tili 15 sharshy metr aýmaqty sharpydy. Tótenshe jaǵdaı ornynan ıis tıgen tórt bala qutqarylyp, aýrýhanaǵa jetkizildi. Olardyń úsheýi bes jasta, bireýi ekide. 12 adam qaýipsiz jerge kóshirildi. Órtti sóndirýge QR TJM Atyraý oblysy boıynsha TJD órtke qarsy qyzmetiniń 5 adamy men 2 tehnıkasy jumyldyryldy.
Sol kúni Qaraǵandyda bir qabatty 2 páterli turǵyn úı órtendi. Jalyn 3 sharshy metr aýmaqqa tarady. Tótenshe jaǵdaı saldarynan úıdiń aýlasynda 61 jastaǵy er adam esin jımastan kóz jumdy. Tilsiz jaý órt sóndirýshiler kelgenshe turǵyndardyń kúshimen sóndirildi.
