Órt saldarynan 2 adam qaza taýyp, 15 adam qaýipsiz jerge kóshirildi

dep habarlady QR TJM baspasóz qyzmetinen.

Atap aıtqanda, búgin túnde Mańǵystaý oblysynyń Beıneý aýdanynda kúzet ornyna arnalyp jasalǵan vagon órtenip, tilsiz jaý 1,5 saǵattyń ishinde sóndirildi. 20 sharshy metr aýmaqty sharpyǵan órt ornynan 46 jastaǵy Ózbekstan Respýblıkasy azamatynyń denesi tabyldy.

Qyzyl jalyndy sóndirýge QR TJM Mańǵystaý oblystyq TJD jeke quramynyń 5 mamany men 1 tehnıkasy jumyldyryldy.

Búgin túnde Kókshetaý qalasynda 5 qabatty turǵyn úıdiń jertólesi órtendi. 8 sharshy metr aýmaqty sharpyǵan órt saldarynan úıdiń kire berisi men birqatar páterlerge tútin tarady. №38 páterden 48 jastaǵy adamnyń denesi tabyldy. Sonymen qatar ıis tıgen 2 áıel aýrýhanaǵa jetkizilip, 15 adam qaýipsiz jerge kóshirildi.

Tilsiz jaýdy sóndirýge QR TJM Aqmola oblystyq órt sóndirý qyzmetiniń 21 mamany men 4 tehnıkasy jumyldyryldy.