Órt kezinde inisin qutqardy: kókshetaýlyq 10 jasar bala medalmen marapattaldy
KÓKShETAÝ. KAZINFORM – Órt kezinde kishkentaı inisin qutqarǵan Kókshetaý qalasynyń 10 jasar turǵyny Artýr Gaıtovke «Órtte kórsetken qaısarlyǵy úshin» medali tabys etildi.
Aqmola oblysy TJD baspasóz qyzmetiniń málimetinshe, Artýr úıinde bolǵan órt kezinde erlik tanytqan. Aqmola oblysy TJD bastyǵynyń orynbasary Ashat Aqyljanov QR TJ mınıstriniń jarlyǵymen jas batyrǵa medal taqty.
«Artýr Gaıtov ózin batyr sanamaıdy. Alaıda, úıi otqa oranǵan kezdegi onyń áreketi erlikpen para-par. Bir aıaǵy gıpske tańylǵan ol abdyrap qalmaı, birden úıdegi elektr qýatyn óshirip, órt sóndirýshilerdi shaqyrdy. Artynsha, bir jasar inisin qolyna alyp, terezeden syrtqa shyqqan», - dep jazdy vedomstvodan.
Aıta ketsek, budan buryn Kókshetaýda órt shyqqan úıden 25 adam evakýatsııalanǵanyn jazǵan edik.
