Órt qaýipsizdigi: Almatyda 153 myńǵa jýyq jer úı esepke alyndy
ALMATY. KAZINFORM – Almatyda órt qaýipsizdigi erejelerin buzǵan 500-den astam jer úı anyqtaldy.
Almaty qalalyq TJD baspasóz qyzmeti málim etkendeı, jeke sektordaǵy úılerdi tekserý barysynda avtonomdy jylytý júıeleri, elektr jelileri men elektr jabdyqtaryn paıdalanýǵa baılanysty 500-den astam buzýshylyq anyqtaldy.
«Túsindirme jumystary kezinde - tizimdegi 110 muqtaj otbasynyń úı ıeleri tabaldyryǵynan attatpady.Aıta ketý kerek, jeke turǵyn úı sektorynda memlekettik órt baqylaý júzege asyrylmaıdy. Órt qaýipsizdigin saqtaý azamattardyń usynymdar men jeke qaýipsizdikti saqtaǵan jaǵdaıda múmkin bolady»,- dep atap ótti departamentten.
Megapolıstegi eski úılerdi mamandar baqylaýǵa aldy.
«Qala boıynsha 152911 jeke turǵyn úı esepke alyndy,onyń ishinde qatty otynmen jylytylatyn 2398 jeke úı jáne qańqaly-qamystan salynǵan 7590 eski úı erekshe baqylaýda. Jeke topqa spırttik ishimdikterdi paıdalanatyn jáne polıtsııa departamentiniń esebinde turǵan 2 627 adamda nazarda»,- delingen habarlamada.
Eske salaıyq, 17 qarasha kúni elordada jeke turǵyn úıden órt shyǵyp, tórt bala mert boldy.
