Órt qaýpi basym kezeń bastalǵaly neshe oqıǵa tirkeldi - TJM jaýaby
NUR-SULTAN. QazAqparat - Іstelip jatqan jumystarǵa qaramastan, órt qaýipti kezeńi bastalǵannan beri elimizde 60 órt tirkeldi. Bul týraly Ortalyq kommýnıkatsııalar qyzmetinde ótken brıfıngide QR TJM Órtke qarsy qyzmet komıtetiniń tóraǵasy Nurbolat Derbisov aıtty, dep habarlaıdy QazAqparat tilshisi.
«Eldimekenderdi órtten qorǵaý maqsatynda TJM-niń aýmaqtyq bólimsheleri olardyń órt qaýipti kezeńge daıyndyǵyn tekserý, aýmaqtardy qurǵaq ósimdikterden tazartý, mıneraldandyrylǵan jolaqtar salý, memlekettik órtke qarsy qyzmeti joq eldi mekenderde órtke qarsy erikti quralymdardyń jáne órt sóndirý beketteriniń bar-joǵyn tekserý úshin birlesken komıssııalar quryldy. Shamamen 4 myń km mıneraldandyrylǵan jolaqtar qurylylyp, 1 362 eldi meken qurǵaq ósimdikterden tazartyldy», - deıdi Órtke qarsy qyzmet komıtetiniń tóraǵasy Nurbolat Derbisov.
Onyń aıtýynsha, elimizdiń orman-dala alqaptarynda órt qaýipsizdigi talaptaryn saqtaý boıynsha buqaralyq aqparat quraldarynda belsendi túrde úgit-nasıhat jumystary júrgizilýde.
«BAQ-ta órt qaýipsizdigin saqtaý boıynsha 1 384 baıandama jasalyp, 1 myńnan astam jıyn, 146 dóńgelek ústel ótkizilip, 13,2 myńnan astam adam (aýyl sharýashylyǵy óndirýshilerimen, sharýa qojalyqtarymen jáne orman alqaptarynda turatyn turǵyndarmen) qamtyldy. Qabyldanyp jatqan sharalarǵa qaramastan, órt qaýipti kezeńi bastalǵannan beri orman qory aýmaǵynda jalpy aýdany 16,7 myń gektar (Almaty – 16, ShQO – 13, Qyzylorda jáne Pavlodar – 7, Aqmola – 5, Atyraý – 4, Qaraǵandy-3, SQO jáne Túrkistan-2 jáne Aqtóbe oblysy 1) jáne dala alqaptarynyń 445 janýy, shamamen 3 myń gektar bolatyn 60 órt tirkelgen», - deıdi ol.
