Órt qaýpi men tuman: Qazaqstanda kún raıyna baılanysty eskertý jarııalandy
ASTANA. KAZINFORM - 11 sáýirge Qazaqstannyń barlyq óńirinde jáne Astanada kún raıyna baılanysty eskertý jarııalandy, dep habarlaıdy «Qazgıdromet» RMK-sy.
Kásipryn boljamyna sáıkes, Astanada túnde jáne tańerteń tuman túsedi.
Almatyda joǵary órt qaýpi saqtalady.
Abaı oblysynyń soltústigi men batysynda túnde tuman túsedi. Oblystyń ońtústiginde órt qaýpi joǵary bolady.
Aqmola oblysynyń batysy, ońtústigi jáne shyǵysynda tuman túsedi.
Aqtóbe oblysynda kúndiz jańbyr jaýyp, naızaǵaı oınaıdy, óńirdiń batysy men ortalyǵynda keı jerlerde nóser jaýyn jaýady. Jel soltústik-shyǵystan ońtústik-shyǵysqa aýysyp, ekpini 15–20 m/s jetedi.
Atyraý oblysynda túnde jańbyr jaýyp, naızaǵaı oınaııdy, óńirdiń batysy men shyǵysynda nóser jaýyn kúsheıedi. Kúndiz oblystyń batysy, soltústigi men shyǵysynda jańbyr jaıyp, naızaǵaı oınpıdy. Jeldiń ekpini 15–20 m/s jetedi.
Almaty oblysynyń soltústigi, batysy jáne ońtústiginde joǵary órt qaýpi saqtalady.
Shyǵys Qazaqstan oblysynyń shyǵysy men ońtústiginde túnde tuman túsedi. Jeldiń ekpini kúndiz oblystyń ońtústik-shyǵysynda 15–20 m/s bolady.
Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Óńirdiń ońtústigi men taýly óńirlerinde tuman túsedi. Jeldiń ekpini 15–20 m/s jetedi. Oblystyń batysynda órt qaýpi joǵary bolady.
Jetisý oblysynyń taýly aımaqtarynda túnde jáne tańerteń tuman túsedi. Shyǵysynda jeldiń ekpini 15–20 m/s, keıde 25 m/s deıin kúsheıedi. 11 sáýirde oblystyń soltústigi men ońtústiginde joǵary órt qaýpi saqtalady.
Batys Qazaqstan oblysynda kúndiz jańbyr jaýyp, naızaǵaı oınaıdy, óńirdiń ortalyǵynda nóser jaýyn jaýady. Túnde jáne tańerteń batysy, soltústigi men shyǵysynda tuman bolady. Jeldiń ekpini 15–20 m/s jetedi.
Qaraǵandy oblysynyń batysy, soltústigi men shyǵysynda túnde jáne tańerteń tuman túsedi. Oblystyń batysy men ońtústiginde órt qaýpi saqtalady.
Qostanaı oblysynyń batysy, soltústigi men shyǵysynda tuman túsedi. Jeldiń ekpini kúndiz 15–20 m/s.
Qyzylorda oblysynyń ortalyǵynda túnde jáne tańerteń tuman túsedi. Kúndiz ortalyq bóliginde shańdy daýyl turady. Jeldiń ekpini 15–20 m/s.
Mańǵystaý oblysynyń soltústigi men ortalyǵynda keı ýaqytta jańbyr jaýyp, naızaǵaı oınaıdy. Batysy men ońtústiginde tuman túsedi. Soltústigi men ortalyǵynda shańdy daýyl turady. Jeldiń ekpini 15–20 m/s.
Pavlodar oblysynyń ońtústigi men shyǵysynda túnde tuman túsedi.
Soltústik Qazaqstan oblysynyń batysy, soltústigi men ońtústiginde túnde jaýyn-shashyn (jańbyr, qar) túsip, kóktaıǵaq bolady. Batysy men soltústiginde tuman túsedi. Jeldiń ekpini 15–20 m/s jetedi.
Túrkistan oblysynyń taýly aýdandarynda ótkinshi jańbyr jaýyp, naızaǵaı oınaıdy. Túnde jáne tańerteń tuman túsedi. Jeldiń ekpini 15–20 m/s jetedi. Oblystyń batysy men soltústiginde órt qaýpi joǵary deńgeıde saqtalady.
Aıta keteıik, elordada aýqymdy ekologııalyq aılyq bastalady.
