Órt qaýipi bar maýsymǵa 7 myńnan astam maman jumyldyryldy
ASTANA. KAZINFORM — Ekologııa mınıstrliginiń ókili órt qaýipti kezeńge daıyndyq týraly aıtty. Bul týraly OKQ-niń baspasóz qyzmeti málim etti.
QR ETRM Orman sharýashylyǵy jáne janýarlar dúnıesi komıteti tóraǵasynyń m. a. Maqsat Elemesovtiń aıtýynsha, tabıǵatty qorǵaý jáne orman mekemeleri daıyndyqqa keltirildi.
— Tartylǵan kúshter sany memlekettik orman kúzetiniń shamamen 7 myń adamyn quraıdy, onyń ishinde jergilikti atqarýshy organdar jelisi boıynsha — 4,2 myń adam, erekshe qorǵalatyn tabıǵı aýmaqtar boıynsha — 3,4 myń adam. Orman jáne dala órtterin sóndirý úshin 2,5 myńnan astam tehnıka, onyń ishinde 681 órt sóndirý avtomashınasy, 600 shaǵyn orman órti kesheni, tirkeme jabdyǵy bar 1 200-den astam traktor, sondaı-aq 77 myń qural-saıman tartylady, — dedi spıker OKQ alańynda ótken baspasóz konferentsııasynda.
Sonymen qatar, orman ıelenýshiler 1 myń tonnadan astam dızel otyny men 892 tonna benzın kóleminde janar-jaǵarmaı qoryn tolyǵymen qalyptastyrdy. 327 orman órt sóndirý stantsııasy jumys isteıdi.
Aıta keteıik, ShQO-da sońǵy úsh jylda 117 orman jáne dala órti tirkelgen.
