Órt qaýpi, 40 gradýs ystyq: Qazgıdromet aýa raıyna baılanysty eskertý jasady

ASTANA. KAZINFORM – «Qazgıdromet» RMK-sy elimizdiń birqatar óńirine aýa raıyna baılanysty eskertý jasady.

Astanada 17 maýsymda kúndiz 35 gradýs qatty ystyq bolady.

17 maýsymda kúndiz Jetisý oblysynyń taýly aýdandarynda naızaǵaı oınaıdy. Soltústik-shyǵystan jel soǵady, kúndiz oblystyń shyǵysynda ekpini 15-20 m/s. 17-19 maýsym kúnderi kúndiz 35-39 gradýs qatty ystyq bolady. Oblystyń soltústiginde, shyǵysynda, ortalyǵynda tótenshe órt qaýpi saqtalady.

17 maýsymda kúndiz Atyraý oblysynyń soltústiginde, batysynda naızaǵaı oınaıdy. Soltústik-batystan ońtústik-batysqa aýysyp jel soǵady, kúndiz oblystyń soltústiginde, ońtústiginde ekpini 15-20 m/s. Oblystyń soltústiginde, shyǵysynda, ortalyǵynda tótenshe órt qaýpi saqtalady, oblystyń ońtústiginde joǵary órt qaýpi kútiledi.

17 maýsymda kúndiz Aqmola oblysynyń batysynda, soltústiginde naızaǵaı oınap, burshaq jaýady. Ońtústik-shyǵystan jel soǵady, kúndiz oblystyń batysynda, soltústiginde ekpini 15-20 m/s. Kúndiz ystyq 35-38 gradýsqa deıin barady. Oblystyń ońtústiginde joǵary órt qaýpi saqtalady.

17 maýsymda kúndiz Túrkistan oblysynda 40-43 gradýs aptap ystyq bolady. Oblys boıynsha tótenshe órt qaýpi saqtalady.

19 maýsymda kúndiz Abaı oblysynyń soltústiginde, ońtústiginde 40 gradýs ystyq bolady. Tótenshe órt qaýpi saqtalady.

17 maýsymda Abaı oblysynyń batysynda, ońtústiginde naızaǵaı oınaıdy. Jel soltústikten, soltústik-shyǵystan soǵady, oblystyń batysynda, soltústiginde, ońtústiginde 15-20 m/s. Kúndiz oblys boıynsha 35 gradýs ystyq bolady. Oblystyń soltústiginde, batysynda, shyǵysynda joǵary órt qaýpi saqtalady, oblystyń soltústik-batysynda, ońtústiginde tótenshe órt qaýpi saqtalady.

17 maýsymda Shyǵys Qazaqstan oblysynyń shyǵysynda, ońtústiginde naızaǵaı oınaıdy. Jel batystan, soltústik-batystan soǵady, oblystyń soltústiginde, shyǵysynda, ońtústiginde jyldamdyǵy 15-20 m/s. Oblystyń ońtústiginde, ortalyǵynda joǵary órt qaýpi saqtalady, oblystyń ońtústik-shyǵysynda tótenshe órt qaýpi kútiledi.

17 maýsymda túnde Aqtóbe oblysynyń soltústiginde, batysynda, ortalyǵynda, kúndiz soltústiginde, ońtústiginde, shyǵysynda naızaǵaı oınaıdy. Soltústik-batystan jel soǵady, oblystyń ońtústiginde, shyǵysynda, ortalyǵynda ekpini 17-22 m/s.

17 maýsymda kúndiz Qyzylorda oblysynyń soltústiginde shańdy daýyl turady. Batystan soqqan jel ońtústikkke aýysady, kúndiz oblystyń soltústiginde ekpini 15-20 m/s kútiledi. Kúndiz 40-44 gradýs qatty ystyq saqtalady. Tótenshe órt qaýipi saqtalady.

17 maýsymda túnde Batys Qazaqstan oblysynyń batysynda, soltústiginde, ońtústiginde naızaǵaı oınap, oblystyń batysynda, soltústiginde burshaq jaýady. Jel soltústik-shyǵystan soǵady, kúndiz oblystyń batysynda, ońtústiginde, shyǵysynda ekpini 15-20 m/s. Oblystyń batysynda, shyǵysynda, soltústik-shyǵysynda joǵary órt qaýpi, oblystyń ońtústik-shyǵysynda tótenshe órt qaýipi saqtalady.

17 maýsymda kúndiz Pavlodar oblysynda 35 gradýs ystyq. Oblystyń batysynda, ońtústiginde joǵary órt qaýpi saqtalady. Oblystyń soltústik-batysynda tótenshe órt qaýpi saqtalady.

17 maýsymda Soltústik Qazaqstan oblysynda túnde batysynda, soltústiginde, kúndiz batysynda, soltústiginde, ońtústiginde naızaǵaı oınaıdy. Kúndiz oblystyń batysynda, soltústiginde burshaq jaýyp, daýyl turady. Ońtústikten, ońtústik-batystan jel soǵady, kúndiz kúshi 15-20 m/s, oblystyń batysynda, soltústiginde ekpini 25 m/s. Kúndiz 35 gradýs ystyq. Oblystyń soltústiginde joǵary órt qaýipi saqtalady.

17 maýsymda Mańǵystaý oblysynyń batysynda, soltústiginde, shyǵysynda naızaǵaı oınaıdy. Soltústik-batystan jel soǵady, oblystyń batysynda, soltústiginde, shyǵysynda jyldamdyǵy 15-20 m/s. Oblystyń soltústik-batysynda, ońtústiginde, ortalyǵynda joǵary órt qaýpi, oblystyń soltústiginde, shyǵysynda, ońtústik-shyǵysynda tótenshe órt qaýpi saqtalady.

17 maýsymda Qostanaı oblysyńyń batysynda, soltústiginde, ońtústiginde naızaǵaı oınap, burshaq jaýady. Ońtústik-batystan jel soǵady, oblystyń batysynda, ońtústiginde, shyǵysynda jyldamdyǵy 15-20 m/s. Kúndiz oblystyń ońtústiginde 37 gradýs qatty ystyq. Oblystyń soltústiginde joǵary órt qaýpi saqtalady, oblystyń ońtústiginde tótenshe órt qaýpi saqtalady.

17 maýsymda kúndiz Jambyl oblysynyń taýly aýdandarynda naızaǵaı oınaıdy. Kúndiz oblys boıynsha 40 gradýs ystyq. Oblys boıynsha tótenshe órt qaýpi, oblystyń shyǵysynda joǵary órt qaýipi saqtalady.

17-19 maýsymda kúndiz Almaty oblysynda 35-39 gradýs qatty ystyq kútiledi.