Órt qaýipsizdigin qamtamasyz etý salasyndaǵy atqarylǵan sharalar materıaldyq shyǵyndy 9,9 paıyzǵa azaıtty - V. Bojko
ANA. 15 qarasha. QazAqparat /Qanat Mámetqazyuly/ - Órt qaýipsizdigin qamtamasyz etý salasyndaǵy atqarylǵan sharalar materıaldyq shyǵyndy 9,9 paıyzǵa azaıtty. Búgin QR Parlamenti Májilisindegi Úkimet saǵatyndaTótenshe jaǵdaılar mınıstri Vladımır Bojko osylaı málim etti.
Mınıstrdiń keltirgen derekterine qaraǵanda, aǵymdaǵy jyly elimizde barlyǵy 580 dala, 627 orman órtteri sóndirilgen. Buǵan memlekettik órtke qarsy qyzmettiń 3273 qyzmetkeri men 635 birlik tehnıkasy, 5 tikushaq jumyldyrylypty.
«Órt qaýipsizdigin qamtamasyz etý salasyndaǵy mınıstrlik tarapynan atqarylǵan sharalar osy baǵyttaǵy materıaldyq shyǵyndy 9,9 paıyzǵa azaıtty. Respýblıka boıynsha barlyǵy 1478 balalardy saýyqtyrý lagerleri, 2086 bilim berý nysandary, 2423 densaýlyq saqtaý nysandary tekserildi. Bul rette 21 myń 558 buzýshylyq anyqtaldy, tekserý barysynda onyń 4648 joıyldy. Toqtala ketetin jaıt, 2011 jylǵy qańtardan bastap órt qaýipsizdigi salasyndaǵy memlekettik baqylaý fýnktsııalaryn qorǵanys salasyna, ulttyq qaýipsizdik organdaryna, qylmystyq atqarý júıesine, Tótenshe jaǵdaılar mınıstrligine tapsyrý kózdeledi. Zańǵa engizilgen osy norma baqylaý úderisin júıelendirýge jáne quqyq qorǵaý júıeleri nysandarynyń órt qaýipsizdigi deńgeıin arttyrýǵa múmkindik beredi», - dedi V. Bojko.
