Órt qaýipsizdigin qamtamasyz etý boıynsha jańa 172 depo salý qajet - TJM
ASTANA. 21 mamyr. QazAqparat - Órt qaýipsizdigin qamtamasyz etý boıynsha respýblıka boıynsha 172 depo salýdy qajet etedi.
Búgin Parlamenti Májilisinde ótken Úkimet saǵatynda Tótenshe jaǵdaılar mınıstri Vladımır Bojko osylaı málim etti.
Baıandama barysynda vedomstvo basshysy el aýmaǵyndaǵy halyqty órt qaýpinen qorǵaý kepilin qamtamasyz etý máselesin aıta kele, búgingi kúni memlekettik órt sóndirý qyzmeti 271 eldi mekende qyzmet etip otyrǵanyn atap ótti. Bunyń ishinde 36 qalada atalǵan qyzmet tolyq emes quramda bolsa, 5 myńnan astam halyq turatyn 87 eldi mekende órtke qarsy qyzmet múldem joq.
«Aýyldardyń 98 paıyzy órtke qarsy qyzmet kórsetetin tótenshe jaǵdaılar mınıstrligi bólimsheleriniń radıýsy sheńberinen tysqary, 52 shaqyrymnan alshaqta ornalasqan. 408 órt sóndirý deposynyń 80 paıyzy 1950-70 jyldary salynǵan. Eger olardyń ózi tehnıkanyń zamanaýı damý qarqynyn qanaǵattandyrsa meıli eken, alaıda máseleniń ózi osynda bolyp otyr», - deıdi V. Bojko.
Onyń aıtýynsha, saladaǵy qordalanǵan problemalardy ońtaıly sheshý úshin 172 órt sóndirý deposyn salý kerek. Bulardyń basym bóligin Astana men Almaty qalalarynda, Almaty, Qyzylorda, Ońtústik Qazaqstan, Qaraǵandy oblystarynda ornalastyrý kerek.
