Órt qaýipsizdigi: Jambyl oblysynyń saýda nysandarynan 285 zańbuzýshylyq anyqtaldy
TARAZ. QazAqparat - Jambyl oblysynda saýda nysandarynyń órt qaýipsizdigi tekserildi, dep habarlaıdy QazAqparat tilshisi óńirlik TJD-ǵa silteme jasap.
«Jambyl oblystyq tótenshe jaǵdaılar departamenti 22 saýda orny men tórt jeke kásipkerlik nysanynyń órt qaýipsizdigin tekserdi. Saýda nysandarynda tekserýler Bas prokýratýranyń tapsyrmasyna sáıkes júrgizildi. Óńirlik Kásipkerler palatasy men sybaılas jemqorlyqqa qarsy is-qımyl qyzmetimen birlesip, oblys aýmaǵyndaǵy qaýpi joǵary 36 saýda nysany men 102 jeke kásipkerlik nysany esepke alyndy», - dedi Jambyl oblystyq TJD bastyǵynyń orynbasary Talǵat Sabyrov.
Saýda nysandaryn tekserý kezinde órt qaýipsizdigi talaptarynyń 285 buzýshylyǵy anyqtaldy, al jeke kásipkerlik nysandarynda - 53 zańbuzýshylyq tabyldy. 19 zańdy tulǵa ákimshilik jaýapqa tartyldy, olar 462 myń teńge tóleıdi. Tórt kásipkerge 192 myń teńge aıyppul salyndy.
Vedomstvoda atap ótilgendeı, TJD qyzmetkerleri nusqaýlyqtar men órt sóndirý jattyǵýlaryn ótkizýde, sondaı-aq órt qaýipsizdigi joǵary nysandarda evakýatsııa josparyn jasap jatyr.
