Órt qaýipsizdigi talaptarynyń saqtalýy turǵysynda eki myńnan astam mekeme tekserildi - TJM
ASTANA. Jeltoqsannyń 28-i. QazAqparat /Rýslan Ǵabbasov/ - QR Tótenshe jaǵdaılar mınıstrligi órt qaýipsizdigi talaptarynyń saqtalýy turǵysynda eki myńnan astam mekemeni tekserdi. Bul týraly búgin Úkimette ótken selektorlyq keńeste atalǵan vedomstvonyń basshysy Vladımır Bojko málim etti,
dep habarlaıdy QazAqparat.
Mınıstrdiń sózine qaraǵanda, tekserilgen mekemelerdiń ishinde 480 meıramhana men dámhanalar jáne 212 túngi klýbtar bar. Osy shara aıasynda 315 adam ákimshilik jaýapkershilikke tartyldy, sondaı-aq óreskel zań buzýshylyqtarǵa baılanysty 111 nysandy jabý boıynsha sotqa talap aryz jasalǵan.
Bul saladaǵy baqylaý jumystary jalǵasyp otyrǵandyǵyn jetkizgen V. Bojko, Tótenshe jaǵdaılar jáne Іshki ister mınıstrlikteri kópshiliktiń qatysýymen óteten sharalar boıynsha oryndarda birlesip jumys istep jatqanyn aıtyp ótti. Atap aıtqanda, barlyq merekelik sharalarda, Prezıdenttik shyrshalarda, iri korporatıvtik jıyndarda órt qaýipsizdiginiń jeke quramy jumyldyrylǵan.
TJM pırotehnıkany satý boıynsha baqylaýdy kúsheıtkenine toqtalǵan mınıstr, «biz pırotehnıkany jabyq jerlerde paıdalanýǵa tyıym saldyrdyq», dedi.
Aıta keteıik, buǵan deıin ótken Úkimet otyrystarynyń birinde Premer-Mınıstr Kárim Másimov adamdar kóptep jınalatyn oryndardaǵy órt qaýipsizdigi talaptarynyń saqtalýyn tekserýdi tapsyrǵan bolatyn.
