Órt qaýipsizdigi talaptaryn oryndamaǵany úshin qylmystyq jaýapkershilikti arttyrý qajet - V. Bojko
ASTANA. Jeltoqsannyń 14-i. QazAqparat /Qanat Mámetqazyuly/ - Búgin QR Parlamenti Májilisinde ótken Úkimet saǵatynda QR Tótenshe jaǵdaılar mınıstri Vladımır Bojko órt qaýipsizdigi talaptary men jazba buıryqtaryn oryndamaǵyn úshin tártiptik jaýapkershilikti, múmkin bolsa qylmystyq jaýapkershilikti arttyrý kerektigin atap ótti,
dep habarlaıdy QazAqparat.
«Biz Ádilet mınıstrliginiń zańnama komıssııasyna osyndaı usynystar jasamaqpyz. Sosyn Úkimette qoldaý tapsa, parlamentke osy maqsattaǵy zań jobasyn engizý qajet dep bilemiz. Óıtkeni, qazirgi oryn alyp otyrǵan órtterdiń basym bóligi osyndaı talaptarǵa atústi qaraýdan týyndap otyr. Máselen, biz elimizdegi kóptegen mektepterge jazbasha buıryqtar jiberip otyrmyz. Biraq, jekelegen mektep dırektorlary nysandy jabýǵa bizdiń batylymyz jetpeıtindigin alǵa tartyp, osyǵan selqos qaraıdy. Sosyn eshqandaı shara qabyldanbaı, ondaǵan, júzdegen adamnyń ómirine qaýip tónedi», dedi V. Bojko.
