Órt qaýipsizdigi sharalary basty nazarda
ASTANA. Tamyzdyń 23-i. QazAqparat /Danıel Shaıynǵazın/ - Sońǵy kezderi Reseı Federatsııasynyń eýropa bóliginde aýa temperatýsynyń kúrt joǵarylaýy nátıjesinde ormandar órtenip, adamdar ólimine jáne materıaldyq zalaldarǵa ákelip soqty. Qazirgi ýaqytta osyndaı qurǵaqshylyq Qazaqstannyń keıbir oblystarynda, sonyń ishinde elordamyzda da baıqalady, bul - orman alqaptarynyń órtenýine múmkindik týǵyzyp tur.
Bul oraıda Astana qalalyq Іshki ister departamentiniń tabıǵatty qorǵaý jáne veterınarlyq polıtsııa toby elorda aýmaǵyndaǵy saıabaqtarda jáne orman-dala alqaptarynda órttiń týyndaýyna jol bermeý jáne órt qaýipsizdigin qamtamasyz etý maqsatynda reıdtik shara ótkizdi, dep habarlaıdy ІІD baspasóz qyzmetinen Áıgerim Muqanova.
Elorda aınalasyndaǵy aýmaqtarda 6 orman alqaby bar. Osy orman alqaptarynda órt qaýpi týyndaǵan kezde «Jasyl Aımaq» RMM, «Astana Ormany» MKM, «Zelenstroı» AQ, «Astana Tazalyq» JShS, ІІD tabıǵatty qorǵaý polıtsııasynyń jáne Astana qalalyq TJD órtke qarsy kúres bóliminiń ınspektorlary patrýldeý jumysyn júzege asyrady.
Reıd barysynda jergilikti halyqpen jáne azamattar jappaı demalatyn saıabaqtarda alaý jaǵýǵa tyıym salý, orman alqaptaryna kólik quraldarynyń kirýine shekteý salý, ot ushqynyn sóndiretin qurylǵylary joq ózge tehnıkalardy paıdalanýǵa tyıym salý, sondaı-aq tabıǵatqa uqypty qaraý jáne órt qaýipsizdigi erejesin saqtaý boıynsha túsindirý jumystary júrgizildi.
Sharanyń uıymdastyrýshylardyń aıtýynsha, quqyq buzýshylar Jasyl alqaptardy ustaý jáne qorǵaý erejesin buzǵany úshin QR Ákimshilik quqyq buzýshylyq kodeksiniń 300-baby boıynsha jaýapkershilikke tartylady.
