Órt qaýipsizdigi: Qazaqstanda saýda ortalyqtaryn tekserý jıileýi múmkin
ASTANA. QazAqparat - Іshki ister mınıstrligi «Atameken» UKP-men birlese saýda ortalyqtary men bazarlarda órt qaýipsizdigi tekserýleri boıynsha keıbir bekitilgen merzimderdiń kúshin joıýdy usynyp otyr, dep habarlaıdy QazAqparat.
Bul negizinen shaǵyn jáne orta bızneske qatysty. Osy oraıda olarǵa tıesili nysandardy ashylǵannan keıin qazirgi talapqa saı úsh jyldan soń emes, iske qosylǵan kezde jáne jyl saıyn tekserý usynylýda.
Sonymen qatar qaıta qurylýy men menshiktik formasynyń ózgerýine qaramastan, jyl saıyn saýda ortalyqtary men bazarlardy tekserý qarastyrylýda.
«Qazirgi kezde «Atamekenmen» jáne memorganmen jol kartasyn kelisý jumystaryn atqarýdamyz. Bul turǵyda zańnamaǵa ózgerister engizý qajet bolyp tur», - dedi ıÝrıı Ilın Astanada ótken baspasóz máslıhatynda.
Onyń sózine qaraǵanda, byltyr 333 saýda obektisi tekserildi. Onyń ishinde aýdıt boıynsha 95-i ońtaıly qorytyndy alǵan. 91 obekti shaǵyn kásipkerlikke jatady, sondaı-aq olardyń tirkelýi merzimine úsh jyl tolmaǵan. Al 147 obekt qaıta qurylýyna (menshik ıesiniń aýysýy nemese kúrdeli jóndeýge jabylýy) baılanysty tekserilmegen.
Budan buryn habarlanǵandaı, bıyl azamattyq qorǵaý organdary bıylǵy 2 sáýirden bastap adamdar jappaı baratyn saýda nysandarynyń órtke qarsy qorǵanýyna tekserý júrgizdi. 2018 jyldyń 20 sáýirdegi málimeti boıynsha, jalpy 972 tekseris taǵaıyndalyp, onyń ishinde 851-i aıaqtaldy. Tekserýmen qamtylǵan nysandarda 10 myńnan astam ereje buzý jaǵdaılary anyqtaldy.
Foto: rukotvorniy.ru
