Órt datchıkteri 15 adamdy ólimnen qutqarǵan

NUR-SULTAN. QazAqparat – Jer úılerdegi órtterdiń 26 paıyzy peshtiń durys ornatylmaýynan bolady. Tótenshe jaǵdaılar mınıstri ıÝrıı Ilın halyqqa esep berý kezdesýinde osyndaı málimet berdi, dep habarlaıdy QazAqparat.

«Qysta órtterdiń sany 9%-ǵa ósti. 5 462 órtten 276 adam qaza tapty. 2019-2020 jylǵy maýsymda 5001 órt 222 adamnyń ómirin qıǵan bolatyn. Munyń sebebin taldasaq, negizgi úles turǵyn úı sektoryna tıesili dep aıtýǵa bolady. Onyń ishinde 45% (2 461 órt) sharýashylyq qurylystaryna, jeke 43,6% turǵyn úılerge (2 382 órt), 11% kóp qabatty úılerge (619) keledi», - dedi Tótenshe jaǵdaı mınıstri.

Vedomstvo basshysy órt oshaqtarynyń 30 paıyzdan astamy pesh turǵan as úı men turǵyn bólmelerden shyǵatynyn aıtady.

«Órt qaýipsizdiginiń buzylý sebepteri boıynsha peshterdi ornatý jáne paıdalaný kezinde 1 420 órt «26%), elektr jabdyqtaryn montajdaý jáne paıdalaný kezinde 1 483 órt (27%) bolǵan. Qaza tapqan 276 adamnyń 97-si (nemese 35%-y) mas bolsa, 59-y (nemese 21%-y) tósekte jatyp temeki shekken», - deıdi ıÝrıı Ilın.

Mınıstrdiń aıtýynsha, azamattardyń qaýipsizdigi úshin ákimdikterdiń kómegimen 25 427 úıde órt datchıgi ornatylǵan. Sol qurylǵylardyń der kezinde belgi berýiniń arqasynda bıyl 15 adam aman qalǵan. Іshinde kámeletke tolmaǵan 8 bala bar.

«Jergilikti atqarýshy organdarmen elektrmen jabdyqtaýdy aýystyrý jáne jóndeý jáne jylytý júıelerin tazalaý boıynsha máseleler belsendi pysyqtalýda. Mysaly, bizdiń bastamamyz boıynsha Aqmola oblysy Atbasar aýdanynyń ákimdigi áleýmettik jaǵdaıy tómen otbasylarǵa elektr symdaryn aýystyrý jáne jylý júıelerin jóndeý boıynsha 1 mln 290 myń teńge, qyzmet kórsetýge 1 mıllıon teńgeden astam qarjy bóldi», - dedi vedomstvo basshysy.