Órt aýmaǵynan evakýatsııalanǵan qostanaılyqtarǵa psıhologııalyq kómek te kórsetilip jatyr

NUR-SULTAN. QazAqparat – Qostanaı oblysyna qarasty Áýlıekól aýdanyndaǵy órtten zardap shekken turǵyndarǵa psıhologter kómek kórsetip jatyr. Bul týraly Qostanaı oblystyq polıtsııa departamentiniń baspasóz qyzmeti málim etti, dep habarlaıdy QazAqparat tilshisi.

«Polıtsııa departamentiniń psıhologtary aýdan turǵyndary men balalarǵa kómek kórsetip jatyr. Qazirgi ýaqytta úsh maman jumyldyryldy. Evakýatsııalanǵandardyń negizgi bóligi – mektepte. Psıhologtar balalarmen de, eresektermen de jumys isteıdi. Egde jastaǵy adamdarǵa erekshe kóńil bólinedi. Art-terapııa ádisteri qoldanylyp jatyr», - dedi aǵa ınspektor, psıholog Dınara Qystaýbaeva.

Jergilikti quzyrly organ dereginshe, psıhologtar qazirgi tańda órt sharpyǵan aýdannyń 24 turǵynymen jumys júrgizgen.

Buryn habarlaǵanymyzdaı, Qostanaı jurtshylyǵyna elimizdiń barlyq azamattary qoldaý kórsete alatyn qor ashý josparlanyp otyr. Munymen qosa, oblys ákimi Arhımed Muhambetov órtten zardap shekkenderge jańa úı nemese ótemaqy alý múmkindigi usynylatynyn málimdedi.

Buǵan deıin habarlaǵanymyzdaı, Qostanaı oblysyndaǵy orman órti aýyldarǵa qaraı jalyndap, turǵyndar evakýatsııalandy. Tótenshe jaǵdaı mınıstri ıÝrıı Ilın málim etkendeı, Amanqaraǵaı aýylynda 98 úı órtenip ketti.