Órt alapatynan adamdar baspanalaryn tastap ketýde
ASTANA. QazAqparat - Avstralııanyń ońtústigindegi orman órtteri jel ekpinimen jyldam jaıylyp barady. Bılik ókilderiniń habarlaýynsha, kóptegen úıler otqa oranyp, Vıktorııa shtatynda órtti aýyzdyqtaý kezinde órt sóndirý qyzmetkeri zardap shekti.
Melbýrn mańyndaǵy aýdandardyń birinde turǵyndar ottyń jyldam taralýy qaýpine baılanysty úılerin tastap ketip jatyr. 25 órt oshaǵanyń qaterine baılanysty Vıktorııa bıligi halyqty qaýiptiliktiń joǵary deńgeıi jaıynda eskertti. Tilsiz jaý aýqymy osy eldegi bes jyl burynǵy órt alapatynan da asyp tústi. Ońtústik Avstralııa shtatynda órt 25 myń gektar jerdi sharpydy. Tilsiz jaý táýligine 2 myń gektar jerge jaıylyp úlgerýde. Qutqarýshylar 40 gradýstyq aptap ystyqta órtti aýyzdyqtaýǵa qaýqarsyz ekendikterin moıyndap otyr.
