Órt: 80 adam qaýipsiz jerge shyǵaryldy
TALDYQORǴAN. QazAqparat - Almaty oblysynda 5 qabatty turǵyn úıden órt shyqty. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty dep habarlaıdy QazAqparat tilshisi.
Onyń aıtýynsha, búgin órtke qarsy qyzmettiń pýltine Almaty oblysynyń Jambyl aýdanynan qarasty Qarǵaly aýylyndaǵy 5 qabatty turǵyn úıden órt shyqqandyǵy týraly habarlama túsken.
«Órt 2 qabattaǵy páterlerdiń birinen shyǵyp, 9 sharshy metr aýmaqty sharpyǵan. Oqıǵa ornynan jetken órt sóndirý bólimshesiniń mamandary 80 adamdy, onyń ishinde 6 balany qaýipsiz jerge shyǵardy. Saǵat 09-03-te órttiń aldy alynyp, 09-06-da sóndirildi. Qaza tapqandar men zardap shekkender joq. Órt shyǵýynyń aldyn ala sebebi - elektr symdarynyń qysqa tuıyqtalýy», - dedi ol.
Resmı ókil dereginshe, tylsyz jaýmen kúreske Almaty oblystyq tótenshe jaǵdaılar departamenti jeke quramynyń 6 mamany men 2 tehnıkasy jumyldyrylǵan.
