Órt 2 kúnnen beri jalǵasýda
YSTAMBUL. Shildeniń 19-y. QazAqparat /Irına Dynnıkova/ - Túrkııanyń Kodjaelı qalasynyń Gebze aýdanynda aǵash óńdeý «Tever Sýnta» fabrıkasyndaǵy shyqqan órt 2 kúnnen beri jalǵasýda.
Qazirgi tańda órt apatyna 100-den asa órt sóndirý kóligi men 4 tikushaq jumyldyryldy. Sondaı -aq, Ystambul jáne Býrsa qalalarynan da qosymsha órt sóndirý tehnıkalary jiberilip otyr.
Jalynnyń sharpyǵan aýmaǵynan adamdar qaýipsiz jerge kóshirilip,sol aımaqtaǵy gaz jáne elektr júıesi ajyratyldy.
Órtti aýyzdyqtaý barysynda 3 órt sóndirý qyzmetkerleri aýrýhanaǵa jetkizildi.
Fabrıkadaǵy 32 tonna aǵash jáne aǵash ónimderi órtenýde. Tilsiz jaý jaqyn mańaıda ornalasqan mekemelerge bet alyp, 50 metr qashyqtyqta ornalasqan temir jol jumysynyń toqtatylýyna sebepshi boldy.
Órt sóndirý mamandary , atalmysh órt apaty aýa raıynyń ystyq bolýyna baılanysty taǵy da 2 kúnge sozylýyn boljap otyr.
