Ornynan qozǵalyp ketken kombaın eki mehanızatordy basyp óltirdi
ASTANA. QazAqparat - RF Rostov oblysynda jóndep jatqan kombaın júrip ketip eki mehanızatordy janshyp óltirdi, dep habarlady «RussianWeek.ru» aqparattyq ınternet-basylymy.
Eki er adam egis tanabynda synyp qalǵan tehnıkany jóndemekshi bolǵan. Jóndeý júrgizip jatqan kezde kezdeısoq kombaın ózdiginen otalyp, ornynan qozǵalyp ketken. Aýyr kólik quraly mehanızatorlardy janshyp ótip, ekeýi de oqıǵa ornynda qaza tapty. Polıtsııa qyzmetkerleri keleńsiz jaıdyń mán-jaıyn anyqtaýda.
