«Ornyna úı salady»: almatylyqtar balabaqshanyń jóndeýge jabylýyna narazylyq bildirdi
ALMATY. KAZINFORM — Almatyda 1 qarashadan bastap jekemenshik «Bolashaq» balabaqshasy jóndeýge jabylmaq.
Áleýmettik jelide bul jaǵdaıǵa baılanysty ata-analar narazylyq bildirip jatyr. Bir oqý jyly bastalǵan kezde jóndeý jumystarynyń bastalǵany renishisin bildirse, taǵy biri balabaqsha múldem jabylyp qalýy múmkin dep alańdaýshylyǵyn jazǵan.
Jelide taraǵan beınejazbaǵa sáıkes, nysan 1962 jyly salynǵan. 2026 jyldyń 1 qarashasynan bastap balabaqsha 1,5 jyldyq jańǵyrtý jumystaryna jabylatyny aıtylǵan. Sondaı-aq aldaǵy jyldary áleýmettik nysannyń ornyna turǵyn úı keshenin salý kózdelgeni jáne ol qalanyń Bas josparynda belgilengeni kórsetilgen.
Atalǵan jaǵdaıǵa qatysty qalalyq bilim basqarmasy jaýap berdi.
— Jekemenshik balabaqsha ákimshiliginiń málimetinshe, mekeme ǵımaratyn rekonstrýktsııalaý josparlanǵan. Sonymen qatar tárbıelenýshilerdi ary qaraı ornalastyrý men qyzmetkerlerdi jumysqa ornalastyrý máselesi pysyqtaldy. 100 balany jáne 17 qyzmetkerdi jaqyn mańda ornalasqan «Ivýshka» jekemenshik balabaqshasyna, al taǵy 7 qyzmetkerdi «Berezka» balabaqshasyna aýystyrý týraly ýaǵdalastyqqa qol jetkizildi. Munymen qosa, jaqyn mańdaǵy mektepke deıingi uıymdarda taǵy 155 bos oryn bar, — delingen basqarma jaýabynda.
Eske salaıyq, buǵan deıin Almatyda erekshe balalarǵa arnalǵan «Pedagog akademııasy» jeke mektebine qatysty qandaı sheshim qabyldanǵanyn jazǵanbyz.
