Ormýz buǵazyndaǵy júk tasymaly 90%-ǵa tómendedi

ASTANA. KAZINFORM — Kpler teńiz analıtıkalyq kompanııasynyń derekterine sáıkes, Ormýz buǵazy arqyly tankerler tasymaly ótken aptamen salystyrǵanda shamamen 90%-ǵa azaıdy.

Ormýz buǵazy arqyly keme tasymaly kúnnen kúnge tómendep keledi: kóptegen gaz jáne munaı tankerleri Irannan keletin shabýyldar qaýpine baılanysty bul sý jolymen ótý táýekeline barǵysy kelmeıdi.

Kúrt tómendeý iri teńiz saqtandyrý kompanııalary Parsy shyǵanaǵynda jumys isteıtin kemeler úshin áskerı táýekelderge baılanysty saqtandyrýdy qaıtaryp ala bastaǵannan nemese toqtatqannan keıin oryn aldy. Bul álemdik munaı saýdasynyń shamamen besten biri ótetin tar buǵaz arqyly júrýdi aıtarlyqtaı qaýipti etedi.

Soǵys bastalǵanǵa deıin buǵaz arqyly kúnine orta eseppen 24 tanker ótken.

Sońǵy 24 saǵat ishinde BBC Verify baqylaý derekteri Ormýz buǵazy arqyly shyǵystan batysqa qaraı Parsy shyǵanaǵyna ótip bara jatqanyn kórsetetin kem degende eki júk kemesin anyqtady.

Aıta keteıik, buǵan deıin Irannyń buǵazdy «tolyq baqylaýda ustaıtynyn» málimdep, ótip bara jatqan kemelerge zymyran nemese dron shabýyldary jasalýy múmkin ekenin eskertti.

Sondaı-aq, buǵazdaǵy shıeleniske baılanysty munaı baǵasy barreline 150 dollarǵa barýy múmkin ekenin habarladyq.

Ormýz buǵazy aınalasyndaǵy shıelenis ekonomıkalyq táýekelderdi qalaı arttyryp jatyr — osy jerden oqyńyz.