Ormýz buǵazyndaǵy jaǵdaı munaı naryǵyn quldyratty
ALMATY. KAZINFORM — Álemdik munaı baǵasy 16 qazan tańerteń tómendedi.
Brent, WTI markaly munaı men reseılik Urals munaıy shıkizat pen munaı ónimderin jetkizýdegi qıyndyqtar aıasynda arzandady.
Saýda málimetterine sáıkes, Brent markaly munaıdyń baǵasy 0,56 dollarǵa nemese 0,53%-ǵa tómendep, barreline 105,36 dollar boldy.
Oilprice.com málimetinshe, WTI markaly munaı 0,68 dollarǵa nemese 0,69%-ǵa arzandap, barreline 97,29 dollarǵa tústi.
Al reseılik Urals munaıynyń baǵasy 3,26 dollarǵa nemese 2,76%-ǵa tómendep, barreline 114,89 dollarǵa jetti.
Sonymen qatar Ormýz buǵazyndaǵy jaǵdaı munaı ónimderi naryǵyna áser etýdi jalǵastyryp otyr.
Buǵan deıingi saýda-sattyqta munaı baǵasy barreline shamamen 2 dollarǵa ósken edi. Naryq qatysýshylary Saýd Arabııasynyń energetıkalyq ınfraqurylymyna jasalǵan shabýyldar aıasynda munaı jetkizilimine tónetin qaýip-qaterlerdi, sondaı-aq Reseı dızel otynyn álemdik naryqqa jetkizý kólemin arttyrý múmkindigin baǵalap otyr.
Sondaı-aq munaı baǵasy quldyrap jatqanyn jazdyq.
