Ormýz buǵazyndaǵy tankerge oq atyldy
ASTANA. KAZINFORM - Ulybrıtanııanyń teńiz saýda operatsııalary basqarmasy (UKMTO) Ormýz buǵazynda bolǵan tankerdiń Iran Islam revolıýtsııasy saqshylary korpýsyna tıesili eki katerdiń ózderin atqylaǵanyn habarlaǵan.
BBC-diń habarlaýynsha, oqıǵa Omannan soltústik-shyǵysqa qaraı shamamen 20 teńiz mıli (37 shaqyrymǵa jýyq) qashyqtyqta bolǵany aıtyldy. UKMTO kapıtanǵa silteme jasaı otyryp, keme men ekıpajdyń qaýipsiz jaǵdaıda ekendigin málimdedi.
Sonymen qatar Reuters agenttigine úsh derekkózdiń aıtýynsha, keminde eki saýda kemesi buǵazdan ótýge áreket jasaǵan kezde atqylanǵan.
Keme qatynasy salasyndaǵy derekkózderdiń málimetinshe, keıbir kemelerge Iran áskerı-teńiz kúshteri Ormýz buǵazynyń qaıtadan jabylǵany jáne barlyq kemeler úshin ótýge tyıym salynǵany týraly habarlama jibergen.
Aıta keteıik, Iran AQSh-tyń teńizdi buǵattaýyna baılanysty Ormýz buǵazynyń qaıta jabylǵanyn málimdedi.