Ormýz buǵazyndaǵy qaqtyǵys munaı baǵasyn quldyratty

ALMATY. KAZINFORM – Seısenbi kúni álemdik naryqta munaı baǵasy tómendedi.

sýdohodstvo vzryv Ormýzskıı prolıv
Foto: Anadolu

OilPrice.com málimetinshe, Brent markaly munaıdyń qańtar aıyndaǵy fıýchersteri barreline 91,60 dollarǵa deıin arzandady. Baǵa 0,84 dollarǵa nemese 0,91%-ǵa tómendedi.

17 qarasha kúni tańerteń WTI markaly munaı fıýchersteri barreline 85,03 dollar deńgeıinde saýdalandy. Bul aldyńǵy kórsetkishten 0,69 dollarǵa nemese 0,80%-ǵa tómen.

Al Reseıdiń Urals markaly munaıynyń baǵasy kerisinshe ósti. Onyń quny 2,20 dollarǵa nemese 3,08%-ǵa qymbattap, barreline 73,59 dollar boldy.

Aıta keteıik, Parsy shyǵanaǵy men Ormýz buǵazy mańynda tankerler men energetıkalyq ınfraqurylymǵa jasalǵan shabýyldar jalǵasyp jatyr.

Eske salsaq, Saýd Arabııasy bastaǵan Arab koalıtsııasy eldiń shyǵys bóligine baǵyttalǵan taǵy bir ushqyshsyz ushý apparatynyń ustalyp, joıylǵanyn habarlady.