Ormýz buǵazynda júk kemesine shabýyl jasalyp, ekıpaj músheleri kóz jumdy
ASTANA. KAZINFORM — Ormýz buǵazynda júk kemesine shabýyl jasalyp, ekıpajdyń eki múshesi qaza tapty. Bul týraly qaýipsizdik qyzmetteriniń málimetine súıengen Ulybrıtanııanyń teńiz saýda operatsııalaryn basqarý ortalyǵy (UKMTO) habarlady, dep jazady Anadoly.
UKMTO málimetinshe, Ormýz buǵazynda júk kemesine shyǵý tegi belgisiz oq-dárimen shabýyl jasalǵan. Kemede órt shyǵyp, keıin keme basqarýdan aıyrylyp, dreıfke ketken.
Ekıpaj músheleri kemeden evakýatsııalandy. Qorshaǵan ortanyń lastanǵany týraly aqparat túsken joq.
UKMTO bul aımaqtaǵy kemelerge saqtyq sharalaryn kúsheıtip, kez kelgen kúdikti áreket týraly habarlaýdy usyndy.
Shabýyl úshin ázirge eshkim jaýapkershilikti óz moınyna alǵan joq.
Aıta keteıik, Tegeran Ormýz buǵazyn ashýǵa daıyn ekenin málimdep, AQSh-qa shart qoıdy.
Buǵan deıin Iran Ormýz buǵazy mańynda arnaıy baqylaý aımaǵyn quratyny týraly habarlaǵan bolatynbyz.
