Ormýz buǵazynda toǵyz kún ishinde 11 tanker órtendi
ASTANA. KAZINFORM — 25 qazannan beri Ormýz buǵazynda zań buzǵan 11 tanker órtenip, olardyń keıbiri sýǵa batyp ketken. Bul týraly Iran Islam revolıýtsııasy saqshylar korpýsynyń (KSIR) áskerı-teńiz kúshteri málimdedi, dep habarlaıdy Kazinform TASS agenttigine silteme jasap.
KSIR áskerı-teńiz kúshteriniń X áleýmettik jelisindegi jazbasynda aıtylǵandaı, oqıǵalar 25 qazannan beri tirkelgen.
— 25 qazannan (AQSh Qarýly kúshteriniń Ortalyq qolbasshylyǵynyń (CENTCOM) qolbasshysy Bredlı Kýperdiń Ormýz buǵazyna arnaıy saparmen barǵan kúni) búginge deıin, ıaǵnı toǵyz kún ishinde Ormýz buǵazynda zań buzǵan 11 tanker órtendi, al keıbiri teńiz túbine ketti, — delingen habarlamada.
Eske salaıyq, buǵan deıin Iran Islam revolıýtsııasy saqshylar korpýsynyń (IRSK) áskerı-teńiz kúshteri Ormýz buǵazynyń batys bóliginde AQSh-tyń barlaý maqsatynda paıdalanylǵan ushqyshsyz ushý apparatyn qolǵa túsirgenin málimdedi.
