Ormýz buǵazynda irkilis bes aptaǵa sozylsa, munaıdyń barreli 100 dollarǵa jetedi – sarapshy
KAZINFORM. ASTANA – Ormýz buǵazyndaǵy shekteý jergilikti epızod emes, munaı-gaz jáne búkil teńiz logıstıkasy úshin jahandyq soqqyǵa aınaldy. Al «qara altynnyń» quny 100 dollarǵa jetetin kún jaqyn. Jahandyq jaǵdaıǵa baılanysty Kazinform tilshisine munaı-gaz sarapshysy Asqar Ismaılov pikir bildi.
2024 jyly Ormýz buǵazy arqyly táýligine shamamen 20 mln barrel ótken: bul álemdik suıyq kómirsýtek tutyný kóleminiń 20%-yna, teńiz arqyly tasymaldanatyn munaı saýdasynyń tórtten birine teń. Asqar Ismaılovtyń boljamyna sensek, ótkeldegi irkilis saqtandyrý tarıfteriniń, fraht qunynyń kúrt ósýine jáne bırjalarda turaqsyzdyq pen Brent baǵasynyń qymbattaýyna ákeledi.
– Naryq táýekelge qanshalyqty sezimtal ekenin qazirdiń ózinde kórsetip otyr. Goldman Sachs ekinshi toqsanda Brent markaly munaıdyń barreli 76 dollarǵa deıin kóteriledi dep topshylaýda. Eger Ormýzdaǵy irkilis taǵy bes aptaǵa sozylsa, baǵa shamamen 100 dollarǵa deıin ósýi múmkin. Basqasha aıtqanda, tipti ishinara jáne uzaqqa sozylǵan tosqaýyl baǵa soqqysyna aınalady, – dedi spıker.
Sarapshynyń sózinshe, Taıaý Shyǵystaǵy elder munaı tasymaly úshin balama jol tabýy qıyn. Qazir qoldanystaǵy baǵyttar Ormýz buǵazyndaǵy baǵytty tolyq almastyra almaıdy.
– Saýd Arabııasy men BAÁ-niń balamaly joly bar, biraq ol arnalar táýligine shamamen 2,6 mln barrel ǵana tasymaldaı alady. Demek, Ormýz buǵazy arqyly ótetin táýliktik 20 mln barrel aǵynymen salystyrýǵa kelmeıdi. Negizgi aınalma nusqa — Saýd Arabııasynyń Qyzyl teńizdegi ıAnbý portyna shyǵatyn East-West qubyry. Onyń qýaty táýligine shamamen 5 mln barrel (2019 jyly ýaqytsha 7 mln-ǵa deıin jetkizilgen). BAÁ-de Habshan–Fujairah qubyry bar, ol munaıdyń bir bóligin Ormýzdy aınalyp ótip, Fýdjeıraǵa shyǵarýǵa múmkindik beredi: onyń qýaty táýligine shamamen 1,5 mln barrel, – dep túsindirdi Ismaılov.
Onyń pikirinshe, másele balama baǵyt pen qubyrda emes, tasymal múmkindiginde jatyr. Máselen, Saýd Arabııasynda munaı tasymaldaıtyn ıAnbý porty 1,5 mln barrel munaıdyń ózin jóneltip kórmegen.
– Buǵan qosa, Qyzyl teńiz ben Fýdjeıranyń qaýipsizdigi tómen. ıAǵnı, aımaq qaqtyǵysty baıaýlata alýy múmkin, munaıdy balama jolmen tasymaldaýy yqtımal, biraq Ormýzdy jyldam ári tıimdi almastyratyn jol joq, – dep kesip aıtty sarapshy.
Buǵan deıin Ormýz buǵazy jabylyp, qazir munda munaı-gaz tasymaldaıtyn 150-den astam keme keptelip turǵanyn jazǵan edik.
