Ormýz buǵazynda bir táýlik ishinde tórt tanker órtendi
ASTANA. KAZINFORM – Ormýz buǵazynyń shyǵysynda teńiz mınasyna soǵylǵan tórtinshi tanker qatty zaqymdandy. Oqıǵa saldarynan kemede órt shyqty, dep habarlaıdy Irannyń IRNA aqparat agenttigi.
Iran Islam Respýblıkasy Áskerı-teńiz kúshteriniń baspasóz qyzmeti seısenbi kúni habarlaǵandaı, tanker oqıǵa bolǵan kezde navıgatsııalyq júıelerin óshirip, kemelerdiń júrýine tyıym salynǵan aımaqta bolǵan.
Áskerı-teńiz kúshteriniń málimetinshe, sońǵy 24 saǵat ishinde osy aýdanda tórtinshi tanker zaqymdanǵan.
Vedomstvo strategııalyq mańyzy bar sý jolyndaǵy teńiz qaýipsizdigi navıgatsııalyq erejelerdi saqtaýǵa jáne Iran Qarýly kúshterimen úılesimdi áreket etýge baılanysty ekenin atap ótti. Sondaı-aq bul máselede málimdemeler men jalǵan aqparatqa emes, naqty talaptardy oryndaýǵa basymdyq berilýi kerek ekenin eskertti.
Aıta keteıik, buǵan deıin Ormýz buǵazyndaǵy qaqtyǵys álemdik munaı baǵasyn quldyratqany habarlandy.