Ormýz buǵazynda ADNOC kompanııasynyń eki kemesine shabýyl jasaldy
ASTANA. KAZINFORM – Abý-Dabı ulttyq munaı kompanııasynyń (ADNOC) eki kemesi Ormýz buǵazynan ótip bara jatqanda shabýylǵa ushyrady. Zardap shekkender joq, dep habarlaıdy TASS agenttigi.
ADNOC málimetinshe, oqıǵa 13 tamyz kúni keshke bolǵan.
– Eki keme Ormýz buǵazynan ótý kezinde shabýylǵa ushyrady. Oqıǵa saldarynan eshkim zardap shekken joq, jaǵdaı baqylaýda, – dep málimdedi kompanııa.
BAÁ-niń WAM aqparat agenttiginiń habarlaýynsha, eldiń Syrtqy ister mınıstrligi shabýylǵa Irandy jaýapty dep sanaıdy. Abý-Dabı Tegerannan agressıvti áreketterdi toqtatyp, «buǵazdy tolyq ári eshqandaı shartsyz ashýdy» talap etti.
8 tamyzda da ADNOC kemeleriniń biri Ormýz buǵazynda zymyran shabýylyna ushyraǵan. Kompanııa málimetinshe, ol kezde zardap shekkender bolmaǵan.
Buǵan deıin ADNOC aımaqtaǵy qaqtyǵys bastalǵaly Ormýz buǵazynda kompanııanyń 15 kemesine zymyrandar men ushqyshsyz ushý apparattary arqyly shabýyl jasalǵanyn habarlaǵan.
Bul shabýyldar saldarynan ekıpajdyń bir múshesi qaza taýyp, taǵy 20 adam jaralanǵan.
Eske sala ketsek, buǵan deıin Iran Ormýz buǵazyn ashýdyń shartyn ataǵanyn jazdyq.
Al Japonııa Irannan buǵaz arqyly ótken kemelerden qosymsha aqy almaýdy talap etti.
