Ormýz buǵazyn mınadan tazartý merzimi jarııalandy
ASTANA. KAZINFORM – Pentagonnyń ishki baǵalaýy boıynsha, soǵys qımyldary toqtatylǵannan keıin buǵazda mınacyzdandyrý operatsııalaryn aıaqtaý úshin alty aı qajet bolýy múmkin, dep habarlaıdy The Maritime Executive.
Ókilder palatasynyń Qarýly kúshter komıtetine Ormýz buǵazy jabylýy jaǵdaıyna qatysty aqparat berildi. Pentagonnyń joǵary laýazymdy sheneýnigi brıfıngte zań shyǵarýshylarǵa Independence klasyndaǵy úsh jaǵalaýdaǵy jaýyngerlik kemege mınadan tazartý jáne mına izdeý ozyq jabdyqtary ornatylǵanyn eskere otyryp, barlyq mınany zalalsyzdandyrý jarty jylǵa sozylýy múmkin ekenin aıtty.
Mınalardyń naqty ornalasqan jeri belgisiz, biraq Iran kemelerdi buǵazdyń ortasynda qozǵalysty bólý aımaǵynan aýlaq júrýdi eskertetin «qaýipti aımaq» kartasyn jarııalady.
Mundaı merzim qaqtyǵystyń energııa tasymaldaýshylaryna áserin qarasha aıynda ótetin AQSh-tyń aralyq saılaýyna deıin uzartady, bul Tramp ákimshiligi úshin jaǵymsyz qorytyndy bolmaq.
Osyǵan deıin Iran AQSh-pen josparlanǵan kelissózden bas tartqanyn jazdyq.
Keıin Iran AQSh-pen kelissózge nege qatyspaıtynyn túsindirdi.
