Ormýz buǵazy jahandyq azyq-túlik daǵdarysyn týdyrýy múmkin — BUU
ASTANA. KAZINFORM — BUU-nyń Azyq-túlik jáne aýyl sharýashylyq uıymy (FAO) Ormýz buǵazyndaǵy jaǵdaıǵa baılanysty jahandyq aýyl sharýashylyǵy jáne azyq-túlik daǵdarysynyń qaýpi týraly eskertti, dep habarlaıdy TASS.
FAO-da Ormýz buǵazyndaǵy uzaqqa sozylǵan turaqsyzdyq álemdik azyq-túlik daǵdarysyna ákelýi múmkin ekenin málimdedi.
Uıymnyń baǵalaýynsha, osy strategııalyq baǵyt arqyly aýyl sharýashylyǵy resýrstary eksportynyń 20%-dan 45%-ǵa deıingi bóligi ótedi. Sonymen qatar Parsy shyǵanaǵy óńiri tyńaıtqysh jetkizýde mańyzdy ról atqarady.
FAO-nyń bas ekonomısi Maksımo Torero azyq-túlik baǵasynyń kúrt ósýi men tapshylyq qaýpi týraly eskertti. Bul ásirese tyńaıtqyshtar men energııa tasymaldaýshylar ımportyna táýeldi eń kedeı elderge qatty áser etýi múmkin.
Onyń aıtýynsha, jaǵdaı ýshyǵa tússe, saldary pandemııa kezeńindegi daǵdaryspen teń bolýy jáne El-Nıno sııaqty aýa raıy qubylysymen nasharlaýy múmkin ekenin atap ótti.
Ekvatorlyq Tynyq muhıtyndaǵy jerústi sýlarynyń jylynýyna ákep soǵatyn El-Nıno qubylysy 2026 jyldyń sońyna deıin údeýi múmkin. Sarapshylar búkil álemde sý tasqyny, qurǵaqshylyq jáne rekordtyq joǵary temperatýra bolýy múmkin ekenin eskertedi.
Aıta keteıik, Iran men AQSh Pákistandaǵy kelissózderde soǵysty toqtatý týraly kelisimge kele almady.
AQSh prezıdent Donald Tramp Iran porttaryna teńiz blokadasyn engizdi.
