Ormýz buǵazy mańynda eki munaı tankerine shabýyl jasaldy
ASTANA. KAZINFORM – Ormýz buǵazy mańynda eki munaı tankerine shabýyl jasaldy. Bul týraly óńirde Vashıngton men Tegeran arasyndaǵy shıelenis kúsheıip jatqan tusta Ulybrıtanııanyń teńiz saýdasyn úılestirý basqarmasy (UKMTO) habarlady, dep jazdy Euronews.
UKMTO málimetinshe, alǵashqy tanker ekıpajy Omannyń Lıma jaǵalaýynan soltústik-shyǵysqa qaraı belgisiz snarıadtyń tıgenin habarlaǵan. Saldarynan kemeniń mashına bólimi zaqymdanǵan.
Ázirge zardap shekkender týraly aqparat joq.
Shamamen úsh saǵattan keıin UKMTO Omannyń Hasab qalasynan soltústik-shyǵysqa qaraı ekinshi oqıǵa týraly habarlama alǵan.
– Tanker kapıtany keme mańynda kúshti jarylys pen sý shashyraǵanyn kórgenin aıtty, – delingen vedomstvonyń habarlamasynda.
Oqıǵa kezinde kemeniń zaqymdanǵany týraly málimet túspegen.
UKMTO aımaqtaǵy kemelerge saqtyq sharalaryn kúsheıtip, kez kelgen kúmándi áreket týraly dereý habarlaýǵa keńes berdi.
Qazirgi ýaqytta oqıǵalarǵa qatysty tergeý júrgizilip jatyr.
Eske sala ketsek, AQSh pen Izraıl Irannyń energetıkalyq nysandaryna soqqy berýi múmkin ekenin jazdyq.
Sondaı-aq Iran Ormýz buǵazyn ashýǵa negiz bolatyn sharttaryn usyndy.
